ودقت اجراس حزينه من تانى

[size=18] ودقت اجراس حزينه من تانى . .... خليكى شاهده على كده يا بلادى

والفرحه مبقلهاش فيكى معانى ..... وقتل ولادك بقى شىء عادى

ليه فى عز الفرحه وجوه مكانى ..... يتقتلو وده يبقى قصادى
...
طب كنتى اصطبرى علينا ثوانى .... اعملى اعتبار ان دى اعيادى

ده انا حبى ليكى خلانى ....... اعدائك انا ليهم اعادى

ولما صوتك ليا ندانى .. مستغلتش نفسى فداكى

مت ودمى سال على ارضك .. وبيشهدو على كده اجدادى

ولما تحربى بكون انا ضهرك .. واستقلالك هو مرادى

بعد ده كله ليه مسترخسه دمى ؟ .. مع انك محفوره جوه فؤادى

مش بردو انا ابنك وانتى تبقى امى .. ولا مش حسبانى من ضمن الحسبه دى

لو كنتى ناسيه احزانى وهمى .. واللى حصل فى الكشح وفى نجح حمادى

بفكرك ان انا منك وان انتى كمان منى .. ارجوكى بصيلى بنظره ترااضى

اسمعينى ده طلبى منك .. واقف بقالى سنين بنادى

ساويينى شاركينى فى حكمك .. وبلاش تتعمدى ابعادى

صدقينى ده انا هدفى انك .. تبقى احلى البلاد يا بلادى

هتلاقينى تحت امرك .. ولما تحكمى هبقى راضى

ولو خيرونى بينك وبين بلاد تانيين .. على انى اعلن ليكى اجحادى

مستحيل اسيبك ولو تنطق السنين .. هتحكى عن
تاريخ امجادى

ده لما تكونى من المحتاجين .. بتلاقينى بالخير انا بادى

هنعيشو ونموتو مصريين .. وهدفن فى ترابك اجسادى

والتاريخ لو يرجع بينا .. فيه ناس ياامه حاولو اضطهادى

وادينا موجودين والهنا حامينا .. وهما صفحه طواها الماضى

وشيطان فاكر انه هارينا .. وميعرفش ان ده علفاضى

اصل الضيقه دى بتعزينا .. وبتكون السبب فى اسعادى

دى كل جبال صحاريكى بتحكى .. عن رهبان سكان الوادى

وكل تراب اراضيكى بيبكى .. على عذباتى واستشهادى

وكل كنيسه فيكى بتروى .. وتقول انا مش صنع ايادى

مش بالتوب والرمل هتبنى .. انا مبنيه بدم ولادى

عرفتى يا بلدى انا ليه بحبك ؟ .. مع انى عشتى فيكى رمادى

اصل المسيح بارك شعبك .. واختار ارضك من وسط الاراضى

وسكن فيكى ورفع شأنك ..... وبعت مرقس ليكى ينادى

وبعيونه كان من سنيين شايفك ..... هيتبنى فيكى مذبح للفادى

عاوزانى انسى ده كله واسيبك ؟ ..... اسف مش هتقدرى ابعادى

عندى استعداد اموت وبأيدك ..... ولا انى اسيب ارض اجدادى

اصل انتى وطن عايش فينا ..... مش عايشين فيه انا وولادى

بدعى من ربنا يحيينا ..... وانا ازرع حبك فى قلب احفادى


sad man