بمناسبة الصوم المقدس ومن اكبر اصوام الكنيسة هو منقسم الى أحاد يعنى كل يوم احد هيتكلم عن نفسة يلالالالا بينا نبدأ رحلتنا مع الاحاد. + الاحد الاول ( احد الكنوز ) وهو ال ما نسمع الاسم يجى فى بالنا الكنز وهل هو كنز من المال أم كنز من شئ اخر أحد الكنوز يتكلم عن نفسة ويعرفنا ويقول انا بفكركم علشان محدش ينكنز اى حاجة على الارض وبفكركم ان فى كنز ليك فى السما بس هل انت الكنز دة او بتبعت اى حاجة يكون رصيد ليك فية اكيد بننساه علشان الكنز دة موجود فى السما وياترى انت سايبة فاضى ولا فية رصيد ليك مفيش كنز يسمى كنز غير لما يكون مكنوز فية اشياء لك وكل انسان فينا فى داخلة كنز هل برضة بتملى الكنز اللى جواك اوعى تكون سايب كنزك فاضى أكنز فى السما فهو باقى اما الكنز اللى فى الارض فهو فانى . + الاحد الثانى ( احد التجربة ) طبعا كا واحد اول ما يسمع احد التجربة يفتكر اى تجربة مرت علية ونترك التجربة يتكلم عن نفسة سيدنا يسوع المسيح اتجرب من الشطان وهو على الجبل وربنا انتصر علية واحنا كل يوم بيعدى علينا بنتجرب من عدو الخير وهل انا بنتصر على الشطان وبقوم من تانى واجاهد تانى وارجع اقوى من الاول تعرف لية اقوى من الاول علشان التجربة بتعطى قوة وشدة يبقى اول ما اسمع عن احد التجربة افتكر اد اية ربنا اعطانا السلطان علشان نقدر نهزم عدو الخير ونقوم متدربين ومش مجروحين من سهام ابليس هل انا كل تجربة باشكر ربنا عليها وببدا من جديد . + الاحد الثالث ( احد الابن الضال ) طبعا الاسم لوحدة بيتكلم ويحكى عن نفسة ونسيب الاحد يتكلم ويعرفنا بنفسة انا اسمى احد الضال انتو عارفين هم سامونى كدة لية ؟ علشان فى ابن ضل عن ابيه وسابه ومشى بعيد مع افكاره الخاصة وضل وتعب لكن فى الاخر رجع لابوه وارتاح بعد الضلال اكيد كل واحد فينا بيمشى ويضل زى الابن دة وبنمشى مع فكرنا ودمغنا وبنسيب ايد ربنا ونضل منة ومن امام وجة لكن هل بنرجع زى الابن دة ربنا هيفرح اوى بيك لما ترجعلة من تانى تعالى اليه كفاية ضلال بعيد عنة . + الاحد الرابع ( احد السامرية ) اول ما ما نقول السامرية نفتكر موضوع البير نسيب السامرية تحكى وتقول لينا واما حكايتى كانت حكاية صعبة اووى كنت امرأة زانية وكلى دنس اشكال والوان لحد ما جة يوم كنت رايحة للبير اشرب ولقيت جنب البير انسان يجلس ينبعث عنة الحنان والطيبة الحقيقية وقال ليا اعطينى لاشرب قالت له انت عارف انى سامرية ازاى تطلب منى تشرب فقال لها يسوع انتى لو عرفتى من يطلب ليشرب لكنتى تطلبين منة ان يعطيكى الماء الذى يشرب منه لا يعطش ابدا انا اول ما سمعت هذة الكلامات منة حسيت انى فى امان اكتر ومش خايفة زى الاول لقيت يسوع يقول لى كل خطية عملتها وفى الاخر لقيتة بيسامحنى عليها ويقول لى مغفورة لكى خطاياكى وساعتها حسيت بحنان وطيبة وتسامح ملوش حدود وهو دة يا احبائى ربنا عايزنا وبيحبنا بس نفتح قلبنا نسمعة ونشوفة + الاحد الرابع ( احد مريض بيت حسدا او احد المخلع ) طبعا قصتى كل الناس تعرفها من سنين فى عز ما انا تعبان ملقتشى حد يساعدنى لانزل للبركة واشفى لقيت انسان حنين يجلس جنبى ويتكلم معى وقال نفسك تشفى قلت يااااااريت يا سيدى بس ازاى ومفيش حد عايز يساعدنى وانزل البركة قال له يسوع ينبوع الحنان والطبيب الحقيقى (قوم واحمل سريرك وامشى) فقام الراجل معافى من المرض حقا يارب انت الطبيب العجيب مافيش اى دواء يشفى زى شفئك انت يارب . ودى كانت رحلتنا مع كل يوم من الاحاد من اللصيام المقدس. خادم غلبان
3 مشترك
كنوز كل احد ( كنوز الصوم الكبير )
angel- صوت قبطي حر
المساهمات : 2260
التسجيل : 27/10/2010
- مساهمة رقم 2
رد: كنوز كل احد ( كنوز الصوم الكبير )
anasemon- Admin
- المساهمات : 1992
التسجيل : 27/09/2009
- مساهمة رقم 3
رد: كنوز كل احد ( كنوز الصوم الكبير )
موضوع رائع جداا اخونا الغااااااااااااااااالى
كل سنه وحضرتك بالف خير
ربنا يجعلك سبب بركه لينا
كل سنه وحضرتك بالف خير
ربنا يجعلك سبب بركه لينا
خادم غلبان- قبطي جديد
المساهمات : 8
التسجيل : 09/03/2011
- مساهمة رقم 4
رد: كنوز كل احد ( كنوز الصوم الكبير )
انا بشكركم على الكليمات الجميله الى تخلى الواحد يكتب الكثير